Y’a longtemps, ‘j’ma rapelle, ch’étot l’âme de la région.<br />
Il fallot saquer à l’pelle, dins ches talles ‘ch’carbon.<br />
In étot noier d’sueur, in y mettot tout sin coeur,<br />
In savot qu’cha n’étot pas pour rien, ch’est comme cha qu’in gagnot sin pain.<br />
Pour cha in étot pas tout seul: là haut i’n’avot deux.<br />
Tout à’l’chtiête du chevalet, i n’arrêtotent pas d’tourner.<br />
Quand in l’air, in levot les yeux, in étot tout heureux.<br />
Aujourd’hui in n’vot plus cha, je ne cros plus qu’cha retournera<br />
Is vont bientôt disparaître les molettes.<br />
<br />
Y’a Totoche, in vieux mineur, qui vient d’avoir’s’pinsion<br />
Y’a bin’d’maux à sin coeur, qu’i ne peut pu vire’l’fond.<br />
Comme i dit ch’étot l’bon temps. Si j’avos encore vingt ans,<br />
J’apprindros à tous ches jeunes d’à cet’heure, commint tenir un martieau piqueur.<br />
Mais in ravisant in l’air, tout d’un coup i a invie d’braire.<br />
Tous les jours’d’bon matin, de’l’voïette de sin gardin,<br />
Il vayot tourner deux roulette, cha vivot ch’étot bien,<br />
Aujourd’hui cha ne marche plus, ch’est muet comme eune statue.<br />
In va les faire disparaître les molettes.<br />
<br />
Mais j’cros bin, qu’ch’est pas fini, ‘l’ carbon ch’est tout note vie<br />
I attint foque après nous, des mollettes, des barrous<br />
‘L’souffrance, ‘l’faim, ‘l’chomage, ça sera bin vite oublié<br />
In rouvrira tous ches moulinaches. In sera fier ‘d’dévaler.<br />
Alors tout in haut des chevalets, les roulettes is’s’mettront à retourner<br />
Ch’est toudis note seul espoir d’armonter un jour tout noir<br />
Avec encore dins s’musette du bon pain d’allouette.<br />
D’l’cage sus qu’au lavabos, in pinsera tous à nos tchiots<br />
In n’veut plus jamais qu’is s’arrêtent, nos molettes<br />
<br />
Ch’est toudis note seul espoir d’armonter un jour tout noir<br />
In n’veut pas les vire disparaître nos molettes.